Yma Mebyon Kernow ow lonchya kaskyrgh rag an Hyns Arvorel bos lergh kenedhlek.

Hyns Arvor a-dro oll a Gernow a dhallathas yn 1973. Pymp bledhen diwettha, yth o Hyns Arvor Soth West, 630 mildir y hirder henwys yn sodhogel “hyns kenedhlek.” Hag ynwedh gans an hensi a-dro Kernow, ganso yth esa rann gledh ow ledya dyworth Minehead yn Sher Gwlas an Hav, dre Sher Dewnens, dhe‟n or Gernewek, ha rann dhyghow esa owth ystynna yntra Aberplymm ha Poole yn Sher Dorset.

Yn 2012, yth o an Hyns Arvor Kembra po Llwybr Arfordir Cymru ygerys, pan o deskrifys avel “an kynsa trolergh y‟n bys dhe ystynna hirder leun a arvor gwlas.” Yth o skrifys bos sewen a‟n HAK dhe ledya distowgh dhe brofyans gwruthyl Hyns Arvor Pow Sows, yw herdhys a-rag gans Pow Sows Naturel.

Yn mis Me 2023, rag merkya kurunyans a‟n myghtern nowydh, y kwarnyas Governans RU Hyns Arvor Pow Sows bos dashenwys King Charles III England Coast Path.

Yma ober lemmyn ow pesya gans arwodhyans a-hys lies rann a‟n fordh, ha tanverkyans nowydh desinys dhe vos avel liwyow an baner Sowsnek.

Ny wrug skodhoryon a‟n dowlen prederi vyth oll a-dro dhe genedheleth Kernow ha‟n studh kenedhlek minoryta a‟n bobel Gernewek, ha‟n awtoritys re rewlyas bos an rann 286 mildir a‟n hyns arvor west a‟n Tamar rann a Hyns Arvor Sowsnek.

Sordyans an Fordh Tamara Arvor dhe Arvor, ow kevrenna glannow kledh ha Dyghow Kernow, a styr pella bos possybyl rag pobel dhe gerdhes trogylgh dien an genedhel a Gernow – Kylgh Kernow.

Awos bos a hemma, yma Mebyon Kernow ow lonchya kaskyrgh dhe dhaskavos Hyns Arvor Kernow may hyll bos aswonys avel lergh kenedhlek rag Kernow, avel rann Kylgh Kernow.