The statement launched by Mebyon Kernow – the Party for Cornwall at today’s “national minority” event has also been published in Cornish. The full version is as follows:

Res yw gre minoryta rag an Gernowyon styr parder gans “Albanyon, Kembryon hag Iwerdhonyon.”

2024 a verk an degves penn-bloodh a’n Governans RU owth aswon Kernowyon avel minoryta kenedhlek dres Akord Framweyth Konsel Europa rag Gwitha Minorytys Kenedhlek.

Hemm o pols bras rag agan kenedhel awos bos an Akord Framweyth kevambos keswlasek meur y vri, a wra ragworra lies ambos.  Y’ga mysk yw skoodhyans rag yeth ha gonisogeth, adhyskans ha’n media, gweladewder brassa minorytys kenedhlek yn bewnans poblek, gwithans a diredhow istorek, moy chonsyow war’n wariva geswlasek, ha lies moy.

Yn-medh dyllans gwask an governans sodhek (24a Ebrel 2014) “an ervirans dhe aswon honanieth unnik a’n Gernowyon a re dhedha keth gre … avel poblow Keltek erel yn RU, Albanyon, Kembryon ha Iwerdhonyon.”

Yn trist, an ambos ma re brofyas bos husek, ha deg bledhen diwettha, y hwovynyn ni hag inya war wovernans kresek dhe vet yn tien y ambosow yn Akord Framweyth dre dhyghtya Kernow yn kompes gans an rannow kenedhlek erel an Ruwvaneth Unys.

Res yw dhyn ni dell sew:

• Digresennans gans styr dre wul Senedh Kernow laghadow po Kuntelles Kenedhlek Kernow.
• Eseleth leun a’n Konsel Bretennek-Iwerdhonek ha korfow treus-kenedhlek erel.
• Fondyansow rag Kernow, omdhesedhys gans an kenedhlow Keltek erel.
• Diwedh gans Kernow bos beudhys a-berth yn taklow “rannvro soth-west.”
• Arghasans fer rag Kernow ha’y gonisow poblek.
• Arghasans hirdermyn rag Kernewek ha gonisogeth, ha kurrikulom kenedhlek rag Kernow.
• Moy skoodhyans korfel rag Kernewek dre Laghen Yeth ha rann 3 a’n Chartour rag Yethow Ranndirel ha Minoryta.
• Darbar yn darlesans gonis poblek rag Kernow, dell ywa yn Iwerdhon Kledh, Alban ha Kembra.
• Kernewek dhe vos yn Chartour BBC.
• Kenedhlogeth Kernewek dhe vos yn formow arvreus ethnek dyworth korfow governansel ha poblek.

Methus yw bos gre kenedhlek rag an Gernowyon skonys dre vras gans an solva Westminster rag degvledhen. Lemmyn y tal bos gordhys ha’n parder ambosys gans “Albanyon, Kembryon ha Iwerdhonyon” delivrys.